للشاعر احمد فؤاد نجم
ــــــــــــــــ
أصل الحكاية ولد
فارس ولا زيُّه
اصل الحكاية ولد
فارس ولا زيُّه
خد من بلال ندهته ... ومن النبي ضيُّه
- انظر الصورة الا اذا كنت البعيد اعمي البصيرة -
خد من بلال ندهته
ومن النبي ضيُّه
ومن الحسين وقفته
في محنته وزيه
قدِّم شبابو فدا
والحق له عارفين
خالد
يا ابن الربيع والامل
والشمس والزينه
مين يافتي علُّمك؟؟!!
فعل الخريف فينا
وكبرت برة الزمان
اللي ابتلاك بينا
نايمين علي ودننا
مع اننا عارفين
صاح من سكون الخرس
كروان بغنيوة
الملك لك يافتي
يامصري .... ياحليوه
رقصت نجوم الفلك بالضي تتعانق
والشمس
ويا القمر
في برجهم عارفين
شيل الغطا ياعطا
عبد السلام مددين
عبد الحميد يافتي
قطب الرجال ياحسين
داعي المروءة دعا
والعمر مش عمرين
خالد يقول صحبتي
واحنا الجميع عارفين
الله اكبر
ع الباغي والجبار
طعن الفتي طعنته
خار الأغا وانهار
المجد ده ابننا..والفارس الكرار
راكب علي مهرنا
والكدابين عارفين
المجد ده ابننا..والفارس الكرار
راكب علي مهرنا
والكدابين عارفين
مين يافتي علمك؟؟!!
لعب العصا ع الخيل
وازاي اقطفت القمر
من فوق شواشي الليل
وطبعت نجم السما
بالوشم علي زندك
الاسم خالد
لكن عاشق
ولك هندك
أم الدلال علمك
طبع الأسودعندك
مين يافتي علمك؟؟!!
عشق الملاح والميل
هندك يا ادهم هنا
اصلك وسلسلالك
والناس ياخالد
هنا عمك..هنا خالك
ياغنوه من قهرنا
اسمك وموالك
ويا الربيع والامل
في دمنا عايشين
وليه اجيب ناس
لمعناة الكلام عارفين
واحنا الأمارة إذا حفظوا الوداد
عارفين
No comments:
Post a Comment