أبو لمعة المصري ..وجوجل اللي عارف كل حاجة(فانتازيا سياسية)ا

في بداية معرفتي بعالم التكنولوجيا ،كنت أشبه بالقروي الذي بهرته أضواء المدينة (كلما رأي صندوقا أحمر ظنه صندوق البريد )ولكن دلني أصدقائي علي أحد الخبراء في هذه الاختراعات الحديثة ، في البداية ظننته سيلقنني دروساً في استخدام جهاز الحواة المسمي بالكمبيوتر ، ولكنه حل لي مشكلتي ضربة لازب ( وهي كلمة عربية تعني مرة واحدة حاجة زي كدا )
قال لي صاحبي وهو يحاورني : حلًك حاجة واحدة توصل الانتر نت ، حيطلعلك حاجة اسمها جوجل أي حاجة ما تعرفهاش اسأل جوجل ... استغربت جدا ، وهواجوجل ده عارف كل حاجة ؟، قاللي : طبعا جوجل عارف كل حاجة ، وأي حاجة حسأله حيجاوب ، قاللي : طبعا
عنها ومن يومها بعد طول عشرة مع التكنولو جيا لازلت أحفظ النصيحة عن ظهر قلب وجاء دور السياسة وكل حاجة علي النت والإضرابات وخلافه
ومطولش عليك قول طول... ظهر شخص علي الساحة السياسية يدعي أبو لمعة المصري (حاجة كدا صوروها شبه أبو مصعب الزرقاوي و أبو حمزة المصري المصري ) هذا الشخص كان قد تم القبض عليه من الأمن المصري في تهمة كبييرة وجرت الدعاية له علي نطاق واسع وتم تصويره علي إنه بطل الأبطال رينز (ده كان إعلان قديم عن الحبر رينز وكان يطلع فيه رسم كاريكاتوري فيه واحد شبه الرسمة بتاعة ميشلان وقها )ا
المهم رينز .. قصدي أبو لمعة أخد صيت لدرجة أن الناس كلها بقت متعاطفة معاه مكنتش مصدق من كتر ماكان أصدقائي بيمدحوا فيه صدقت !!!ا
خرج رينز وصدقت كل توقعاتي أبو لمعة خرج وأسس حركة جديدة اسمها الحركة النسواني لتحرير مصر
شعارها (الناس لبعضيها )ا
وهتافها الرئيسي ( أنا عيل )ا
مكانها . أي مصطبة أو قهوة في بر مصر
هذه الحركة كان كل هدفها أتها تشارك في المعارك الوطنية اللي بيختلف فيها أصحاب الرأي والمبادئ وهاتك يا نميمة (نسوانية بقي)ا وشرط الحوارات اللي بيفتحها هذا الأبو لمعة أنها تكون شخصية ، ده طبعا زي ما علموه أن أصحاب المبادئ متناقشهمش علشان مش حتصد عليهم حيث إنك عيل ومعندكش مبدأ .. لكن الحل الوحيد لك هو (التزام مبادئ الحركة الرئيسية )وهي النميمة ثم النميمة ثم النميمة والقدح الشخصي في الناس
حتسألني وتقوللي إيه علاقة اللي انت بتحكيه ده مع قصة جوجل ؟؟
أقولك ياسيدي :::
ظن أبو لمعة إن الناس صدقته وأنهتحقق له ما أراد فبدأ ينشر شائعة أته صاحب المستر جوجل شخصبا وكمان المستر جوجل دعاه إنه يسافر له علشان يعلمه أحدث الطرق في التجسس علي خلق الله ..
طبعا أنا مصدقتش أن جوجل يعمل كدا
الراجل ده عشرة عمر
وبعدين عمره ما خبي عني
رحت علي طول واخد أقصر السكك .. وهي الطريق المباشر .. اللي هوا أني أسأل جوجل نفسه
وهاتك يا استجوابات .. صحيح يا جوجل الكلام اللي بيقوله أبو لمعة ده ؟؟؟؟إزاي ياجوجل تعمل كدا ميصحش أبدا منك ؟؟؟؟ عيب عليك ياراجل أنت مش شايف الواد ده واللخبطة اللي عاملها من يوم ما عمل الحركة النسوانية بتاعته؟؟؟
المهم جوجل نفي الكلام كله اللي بيروجه أبو لمعة ، وقال أن الواد ده بيتصل بجمعيات ومراكز من بتوع التمويل اللي طالعة اليومين دول ...
وهوا همه كله الصيت والدعاية علي حسابي \(يعني جوجل)والقرشينات بتوع التمويل اللي حيجيبهم وهوا راجع .. وكمان يأكد الشعار بتاع الناس لبعضيها (وشرح لي أن الشعار معناه أن الناس تبقي لا مؤاخذة مدعكة المصري والامريكاني والاسرائيلي كدا)وكمان يأكد الهتاف بتاعه اللي هوا (أنا عيل ..أنا عيل )ا
هذا وقد نفي المستر جوجل أي علاقة له بأبي لمعة المصري وتبرأ من أي محاولة تقصد النيل من سمعته
حيث ثبت بالأدلة لكل ذي بصر أن المدعو أبو لمعة خاين لا يمكن حد يصدقه أو يثق به وكمان
بياكل وينكر زي القطط
وطبعا أنا صدقت جوجل لأنه عمره ما كدب عليا
وكمان لأنه عارف كل حاجة


يتبع
بقية مغامرات أبو لمعة بالتفصيل
انتظروااااااااااا